عتــــــــــــــــاب لمصـــــــــر
++++++++++
++++++++++
مصر يابلدنــــا يا غـــاليه علينـــــا
إنتي وطننا إللي عايش فيـــــــــنــا
كتــــير كتــــير آســـيتي عليــــــنا
باين عليكي إنتـــي نسيــــــتيــنا
$$$$$$$$
يرضيكي كــده يا أمـــي برضـــه
يحـــرقوا بيتي وينهبـــوا أرضــي
يخطفـــــوا بنــــاتي ويغتصـــبوها
وفي وســـط الخـــلق بيفضحــــوها
$$$$$$$$
يرضـــيكي إنتي يا أمــي برضـــه
يمــرمغــوا كرامتي ويذللوا في شـــرفي
مـن يـوم ثــورة الأحـــرار
و إحنـــا شمسنا ماطلع لهــا نهــار
$$$$$$$$
قـــالوا عليهــا خنــاقة إخـــوان
و إحنــــا عليــــنا بقي نختـــار
مش عارفين إن المسيح جـــوانا
وبيحــط مكــان الضلمة أنـــــوار
$$$$$$$$
ده هـــو ف الطريق ماشي ويـــانــا
وسهـــران علينا في اللـــيل والنهـــار
و إحنــا بطيـــبة قلـــب نسكت ونسامح
وقـــــدام الناس نبــــوس ونصــــافح
$$$$$$$$
ومــن ورا الستار يلعب الشيطان
كأنــه بيننـــا وبينـــه تــــــــــــار
طيب يا أمـــي حـــني عليـــنا
ده إحنـــا بدمانا لأرضك فــدينا
$$$$$$$$
و أمــا كانت الطلقة بتيجي
مابتفرقشي مين معانا ومين علينا
طيب يا أمــي حــــني علــــــــــبنا
مـــين غـــيرك إنتي يـــواسيــــنا
$$$$$$$$
وإذا كانت الجـــراح مكتوبــة عليــــنا
مستنــــــيين إيديك إنتـــي تــداوينـــا
ده كــل يــوم هجمـــة عليــــــــــنا
بيكــــسروا بيولعوا وبيطفوا كل أمـــل ليـــنا
$$$$$$$$
عـــاوزيننا نسيب بيـــوتنـــا
عــــاوزيننا نســــــيب أراضيـــــنا
طيب يا أمـــي يرضيـــكي برضــــه
إحنــا للـــذل وللهــوان عشانك رضــــينا
$$$$$$$$
كــل طــــوبة في أرضـــــك تحكــــي
كل صـــرخة وكــل دمـــعة وكل حكـــاوينــا
دي كـــل طــوبة في أرضـــك تـــشكي
مــن دمــانـا مـن دمـــوعنا إللي ســــالت عليـــها
$$$$$$$$
مصر يابلـــدنا با غـــالية علـــــينا
إنـــتي وطننـــا إللي عايش فيــــنا
$$$$$$
بـــــــــــــلاك إيجـــــــــل
ليست هناك تعليقات:
إرسال تعليق